Í dag 26. febrúar héldu nemendur í 10. bekkjum síðbúinn konudag. Af því tilefni buðu drengirnir stúlkunum til veislu þar sem þeir þjónuðu þeim á alla vegu. Sumar fengu meira að segja axlarnudd. Þess má geta að stúlkurnar nutu þess fram í fingurgóma að láta drengina stjana við sig að þessu sinni. Þær voru vel að því komnar því á bóndadaginn höfðu þær stjanað við karlpeninginn í árganginum og boðið þeim til heljarinnar veislu, með rósum og öllu tilheyrandi.