Það voru flottir þjónar sem tóku á móti stúlkunum í 8. bekkjunum á mjög síðbúnum konudegi. Fyrr í vetur höfðu stúlkurnar stjanað við drengina og nú var komið að þeim að endurgjalda umhyggjuna. Þeir lögðu sig alla fram við að gera veisluna sem glæsilegasta og þeir mættu í sínu fínasta pússi, í skyrtu og með bindi.  Sumir gengu enn lengra og komu með sólgleraugu eða voru með svuntur við þjónustustörfin, en allir héldu þeir á þvottastykkjum eins og þjónum er einum lagið, tilbúnir til að þurrka af ef eitthvað færi til spillis.